ក្រោយពីសម្រាលកូនរួច តើស្ត្រីត្រូវបន្តធ្លាក់ឈាមយូរប៉ុនណាទៅ?
ការធ្លាក់ឈាមក្រោយ សម្រាលរួច
ការធ្លាក់ឈាមដំបូងក្រោយ ពីសម្រាលកូនរួចគេហៅថា Lochia ។ វា គឺជាឈាមដែលកើតចេញពីកម្ទេចកម្ទី នៃភ្នាសរបស់ស្បូន កោសិកាគ្រាប់ឈាម ស និងឈាម។ សម្រាប់ការសម្រាលកូន ដោយវះកាត់ គឺមិនសូវមាន Lochia នេះទេ។ បើសិនជាអ្នកមិនបានសម្រាក គ្រប់គ្រាន់ក្រោយពីសម្រាលកូនរួចទេ វាអាចនឹងត្រូវធ្លាក់ឈាមនេះកាន់តែ ច្រើន។ ដូច្នេះចូរប្រើពេលវេលានេះ ដើម្បីសម្រាកឱ្យបានច្រើន និងឱ្យរបួស ខាងក្នុងជាសះស្បើយពីការសម្រាល កូនផងទៅ។
ទោះបីជាយ៉ាងណាក៏ដោយ ការធ្លាក់ឈាមពីទ្វារមាសបែបនេះនឹង បន្តរហូតដល់៦សប្តាហ៍។ សម្រាប់ស្ត្រី ភាគច្រើន វាអាចនឹងថយចុះហើយ ក្នុងមួយសប្តាហ៍ដំបូង។ ប៉ុន្តែវាក៏អាចបន្ត ទៅច្រើនសប្តាហ៍ទៀតដែរ ទើបឈប់ ធ្លាក់តែម្តង។ អ្នកនឹងដឹងថា វាជាការ ធ្លាក់ឈាមច្រើនៗក្នុងរយៈពេលពីរបី ថ្ងៃដំបូង។ ដំបូងឡើយ អ្នកអាចនឹងធ្លាក់ ជាកំណកឈាមខ្លាំងនៅពេលងើប ឈរ។ ក្រោយមក ការធ្លាក់ឈាមនឹង តិចទៅៗ ដោយមានពណ៌ក្រហមស្រស់ និងបន្ទាប់មកទៅជាផ្កាឈូកវិញ។ នៅ រយៈពេលពីរបីថ្ងៃក្រោយ ការហូរទឹក រំអិលទាំងអស់ជាទូទៅ គឺមានពណ៌ ថ្លាៗ។ រឿងដែលសំខាន់ដែលអ្នកគួរ តែធ្វើនោះគឺត្រូវផ្លាស់ប្តូរទ្រនាប់ ឬសំឡី អនាម័យជាញឹកញាប់ដើម្បីចៀសវាង ការបង្ករោគ។
ផ្ទុយទៅវិញ បើសិនជាការ ធ្លាក់ឈាមនោះនៅតែបន្តខ្លាំងដដែល ឬធ្លាក់ច្រើនលើសពីបីថ្ងៃទៀតនោះ វាគឺជារឿងដែលត្រូវខ្វល់ខ្វាយ និងទៅ ជួបពេទ្យជាបន្ទាន់ហើយ។ ករណីដែល មានក្តៅខ្លួន ហើមជើងម្ខាង ទឹករំអិល ចេញពីទ្វារមាសមានក្លិនស្អុយ ឬឈឺចាប់ នៅក្នុងពោះកាន់តែខ្លាំង ក៏ជាភ្លើងក្រហមដែលត្រូវ ទៅជួបពេទ្យដែរ ព្រោះវាអាចជាសញ្ញាបញ្ជាក់ថា នៅ សល់កម្ទេចសុកក្នុងស្បូន។
សម្រាប់ស្ត្រីខ្លះ ការមករដូវវិញ ទំនងជាអាចកើតឡើងនៅសប្តាហ៍ទី៤ ក្រោយពីសម្រាលកូនរួច ខណៈពេល ដែលខ្លះទៀតអាចបន្តរហូតដល់មួយ ឆ្នាំក្រោយឯណោះ ៕ ដោយៈ www.health.com.kh
Post a Comment